Tevez tluk lotu Neymar

Football Leaks chuan Paris Saint-Germain forward Neymar chu khawvela footballer hlawh hnem pahnihna a nih thu an tarlang a, Brazilian forward tluk loh chu Chinese Super League lama inlan mek Carlos Tevez a ni.

Nipui transfer-a Bar­celona aṭanga pound maktaduai 200-a PSG pantu Neymar hian kum khatah pound maktaduai 32.39 a hlawh a, thla khatah pound maktaduai 2.64 hlawh ang a ni. Neymar-a ni khat hlawh hi £88,027(Rs.7,739,860) niin darkar khatah £3,521 (Rs.309,587) a hlawh a, mi­nute khata a hlawh zat chu £58 (Rs. 5,099) tihna a ni.

Shanghai Shenhua forward Tevez chuan kum khatah pound maktaduai 33.80 hlawhin Neymar-a'n a la phak rih lo. Mahse, Lionel Messi-a'n ram leh club tana a khelhpui player pahnihte hi a khum thuai tura ngaih a ni a, Barcelona forward hian Catalan club-ah contract thar a ziak a nih chuan kum khatah pound maktaduai 35.21 a hlawh dawn niin an sawi.