Hnehna changtu Marquez a sang fal

Pathianni zan khan Repsol Honda rider Marc Marquez chuan Aragon Grand Prix-ah hnehna changin MotoGP championship hmahruaitu a nihna a sawhnghet. Marquez bakah hian Honda Teammate Dani Pedrosa chu pahnihna niin pathumna chu Ducati rider Jorge Lorenzo a ni thung.

Aragon-ah Andrea Dovizioso chu pasarihna a ni a, Ducati rider Dovizioso hian championship-ah point 208 hmuin hmahruaitu Marquez chu point 16 zetin a phak lo tawh.

Qualifying lamah champion lai Marquez a cheṭha tawk lo a, intlan­siakna takah pangana aṭangin bul a ṭan. Spanish rider hian lap 23 an tlan zawh meuh chuan a theihna san zia lantirin pakhatna dinhmun a luah leh ta tho a ni, intlansiak hnuhnung ber San Marino-ah hnehna a chang bawk.

Ke ruh tliak vanga San Marino lama inlan thei lo Valentino Rossi-a'n beisei aia hmain intlansiak a hmachhawn thei a, Italian rider world champion vawi thum ni tawh Jorge Lorenzo nen an inum na hle. Yamaha rider hian beiseina sang tak nen podium lawn beisei mah se Marquez, Pedrosa leh Maverick Vinales te a umphak lo a ni.

Kum 24 mi Marquez chuan, "Ka tlan tluang em em a, harsa takin hnehna ka chang. Hmahruai tur khan kawng kawi ṭhenkhatah khan risk ka lak ve deuh te a ngai a, a hmasa bera ka tlan hnuah pawh na taka min nawr reng avangin season kan hman laia intlansiak hautak ber pakhat a ni," tiin a sawi. October 13-15 hian Japanese Grand Prix tlan a ni leh ang.

Aragon GP Results
# Rider Ram Team
1 Marc Marquez Spa Honda
2 Dani Pedrosa Spa Honda
3 Jorge Lorenzo Spa Ducati
4 Maverick Vinales Spa Yamaha
5 Valentino Rossi Ita Yamaha
6 Aleix Espargaro Spa Aprilia
7 Andrea Dovizioso Ita Ducati
8 Alvaro Bautista Spa Ducati
9 Johann Zarco Fra Yamaha
10 Pol Espargaro Spa KTM
World Championship Standings
# Rider Ram Team Points
1 Marc Marquez Spa Honda 224
2 Andrea Dovizioso Ita Ducati 208
3 Maverick Vinales Spa Yamaha 196
4 Dani Pedrosa Spa Honda 170
5 Valentino Rossi Ita Yamaha 168
6 Johann Zarco Fra Yamaha 117
7 Jorge Lorenzo Spa Ducati 106
8 Danilo Petrucci Ita Ducati 95
9 Cal Crutchlow Gbr Honda 92
10 Jonas Folger Ger Yamaha 84