Brighton lakah Newcastle an tlawm

Premier League kaithar pahnih Brighton leh Newcastle United te chu Pathianni zan khan an intawng a, minute 51-naa Tomer Hemed goal hmangin mualneitu Brighton 1-0 in an chak.

Rafael Benitez-a kaihhruai New­castle hian a zawna league match vawi thum hnehna an chan theih avangin Brighton lakah pawh beiseina an nei sang. Mikel Merino-a volley chu keeper Mat Ryan chuan mawi zetin a dan sak hman. Forward Joselu-a'n ṭum hnih a hun ṭha neih a hmangṭangkai thei lo a, substitute Jonjo Shelvey chuan goal ban a tih per bawk.

Brighton hian September 3 khan West Brom 3-1 in an hneh tawh bawk a, Falmer Stadium-ah hian kum 1982 November thla hnua a vawi khat nan Premier League-ah a zawnin hnehna an chang ve leh chiah a ni.

Newcastle hian Premier League bikah khualmualah result ṭha an nei khat hle, an zin chhuah hnuhnung vawi 24-ah ṭum 22 ngawt an chak lo. Championship aṭanga kaithar team hian hmasawn an duh a nih chuan khualmuala point hmuh an thiam tel a pawimawh ang.