Zaninah 2004 UCL final rematch

FC Porto-in 2004 Champions League final-ah Monaco chu Jose Mourinho kaihhruaina hnuaiah Carlos Alberto, Deco leh Dmitri Alenichev te goal hmangin 3-0 in an hneh.

Zanin dar 12:15 hian Monaco-in Porto hi an mikhual dawn. Portuguese club hian an match hmasa berah Besiktas an hneh lo a, French club leh Champions League vawi khat khelhna RB Leipzig an inhnehtawk bawk. Group G inkhel dangah Besiktas leh RB Leipzig an inkhel bawk ang.

Porto coach Sergio Conceicao hian a inkhelh hun laiin Porto tan a khel tawh a, amaherawhchu Portuguese club a zawm hmaa Lazio tan Champions League a khelh hman avangin European competition-ah a inlan lo. Kum 42 mi Conceicao hian Mourinho hnung zuiin Monaco lakah hnehna chan a tum ang.

Amaherawhchu, tun dinhmunah Porto aiin Monaco an lian zawk a, French club hi season liam ta semfinalist an ni. Ligue 1 club hian player ṭha club lian dang lakah chan nual mah se Porto tana hming chher tawh Radamel Falcao-a'n a vanglai a hmang ṭha leh mek.

Colombian striker hian season liam ta kha league match 29-ah goal 21 a khung a, tun season-ah chuan league match sarih lekah goal 11 a khung tawh. Kum 31 mi Falcao hian Zirtawpni zan khan Lille lamah goal hnih a khung a, European club hrang hrang tan goal 200 a khung tling tawh.

Falcao hian Porto (72 goals), Atletico Madrid (70), Monaco (54), Manchester United (4) leh Chelsea (1) tan goal a khung vek a, Porto tlarhnung tan ven uluk a ṭul ang.