Portugal ngamtu Spain tan Nations League finals

Switzerland ngam lotu Spain-in Nations League finals khel turin Portugal hneh an mamawh a, Cristiano Ronaldo khelhna Portugal tan draw a tawk thung - a tawpa an duh hmutu erawh khualmuala inlan Spain an ni.

Thawhlehni zan khan Spain hian an mikhualna ramah Portugal chu 1-0 in an hneh a, Alvaro Morata chuan inkhela goal awmchhun a khung - Portugal-in a chhanletna tur an nei lo.

Spain-in hnehna an chan avangin Nations League finals an khel dawn a, Croatia, Italy leh Netherlands hnung an zui - team pali hi finals-ah knockout hmangin an inel dawn a, semifinal angin inelna kalpui a ni dawn.

Semifinal khel tura tling team pali aṭang hian inelna thlengtu tur thlan a ni dawn a, semifinal-a inhmachhawn tur draw hi la neih leh tur a ni - nakkum June-ah champion tur hi zawn a ni ang.

Team ṭha
Portugal-in draw result bak an mamawh lo tih an hria a, mahni muala khel an nih avangin an dinhmun a ṭha takzet - he team hian Ronaldo, Diogo Jota, Bruno Fernandes, Bernardo Silva, Rúben Dias leh Joao Cancelo te ho an nei a, an ṭha tih hai rual a ni lo.

Mahse, Portugal vanneih zan a ni lo - Reuben Neves-a shot ṭha zet chu Spain goalkeeper Unai Simon-a'n a dansak a, Jota khung ngei tura lang a dan phei chu pui tak a ni.

Manchester United midfielder Bruno Fernandes chuan ṭha zetin ball a thlawh lut a, Jota-a'n a lak hnuah insiam rem chungin a shot a, mahse, Simon hian ṭha lutukin a lo dang - Spain tana koh loh David de Gea tan a hmuhnawm lo mai thei!

Portugal an hlauhawm zawk a, mahse, a pawimawh ber goal erawh an khung thei chuang lo - Fernandes chuan a chance neih a chhawr thei bik lo a, second half ṭantirah Jota chuan Ronaldo tan siamsak mah se Simon bawk an paltlang thei lo.

A hming Morata
Portugal an beidawng duh lo - an nawr chhunzawm a, mahse, 'a goal teuh' tihah bawk an thamral leh ṭhin! Reuben Dias-a'n uiawm taka a hlah hnuah Spain tan Morata chuan a hlah ve leh bawk.

Hun tawp nan minute hnih chiah a awm tawh tihah Morata hian chance a nei leh a, a hlah nawn tawh lo - Nico Williams chuan Atletico Madrid striker tan hian Unai Simon khumin ball a tauh a, Morata hian goal ruakah a khung chiang hle.

Minute 73-naah Nico hi bench aṭanga luhtir a ni a, tun international break-a Ghana tana a match hmasa ber kheltu Inaki Williams unaupa Nico hi khelmual a luh khan Spain tana a inlan vawi hnihna chiah a ni a, Nations League finals an luh theih nana goal hlawh chhuaktu a ni.

Athletic Bilbao forward-in Morata khung tur a siamsak hnuah Ronaldo chuan Portugal tan si phurh sutna remchang a nei ve leh a, mahse, Simon chuan hnai set sawt aṭangin a dansak a, Portugal beiseina a thamral zui.

UEFA Nations League
League A - Group 1
September 22, Ningani Zan
Croatia 2 - 1 Denmark
CRO: Borna Sosa 49'; Lovro Majer 79'
DEN: Christian Eriksen 77'
France 2 - 0 Austria
FRA: Kylian Mbappé 56'; Olivier Giroud 65'
September 25, Pathianni Zan
Austria 1 - 3 Croatia
AUS: Christoph Baumgartner 9'
CRO: Luka Modric 6'; Marko Livaja 69'; Dejan Lovren 72'
Denmark 2 - 0 France
DEN: Kasper Dolberg 33'; Andreas Skov Olsen 39'

League A - Group 2
September 24, Inrinni Zan
Czech Republic 0 - 4 Portugal
POR: Diogo Dalot 33', 52'; Bruno Fernandes 45'; Diogo Jota 82'
Spain 1 - 2 Switzerland
SPA: Jordi Alba 55'
SWI: Manuel Akanji 21'; B. Embolo 58'
September 27, Thawhlehni Zan
Portugal 0 - 1 Spain
SPA: Álvaro Morata 88'
Switzerland 2 - 1 Czech Republic
SWI: Remo Freuler 29'; Breel Embolo 30'
CZE: Patrik Schick 45'

League A - Group 3
September 23, Zirtawpni Zan
Germany 0 - 1 Hungary
HUN: Ádám Szalai 17'
Italy 1 - 0 England
ITA: Giacomo Raspadori 68'
September 26, Thawhṭanni Zan
England 3 - 3 Germany
ENG: Luke Shaw 71'; Mason Mount 75'; Harry Kane (P) 83'
GER: Ilkay Gündogan (P) 52'; Kai Havertz 67', 87'
Hungary 0 - 2 Italy
ITA: Giacomo Raspadori 27'; Federico Dimarco 52'

League A - Group 4
September 22, Ningani Zan
Belgium 2 - 1 Wales
BEL: Kevin de Bruyne 10'; Michy Batshuayi 37'
WAL: Kieffer Moore 50'
Poland 0 - 2 Netherlands
NET: Cody Gakpo 13'; Steven Bergwijn 60'
September 25, Pathianni Zan
Netherlands 1 - 0 Belgium
NET: Virgil van Dijk 73'
Wales 0 - 1 Poland
POL: Karol Swiderski 57'