MPL6 Round khelh hun an sawn

MPL Board chuan thuchhuah an siam a, Lammual generator siam ṭhat theih a la nih loh avangin round 6 khelh hun an sawn. Nimin khan RG Stadium-ah round 5 khelh zawh a ni a, round 6 khelh hun sawn a nih takah chuan MPL khel lehna tur hmasa ber chu Khawzawl a ni ang.

MPL Board chuan, "Zote Honda MPL9-a round 6 (Sept 29-30) chu rokhawlhna hrang hrang avangin postpone a ni a, Khawlzawla round 7 khelh zawhah round 6 hi khelh a ni ang. Fixture kaihhnawih ṭul ang te siam rem a nih hnuah MPL 9 Revised Fixture hi tlangzarh a ni ang," tiin thuchhuah an siam.

MPL hi khawpui hrang hrang Lunglei, Serchhip, Champhai leh Kolasib-ah te khelh a lo ni tawh a, MPL9 hi Khawzawlin an thleng dawn. Khawzawlah hian match li khelh a ni dawn a, October 6 hian MPL9-a pakhatna ni lai Aizawl FC leh pahnihna ni lai Chhinga Veng FC te an inkhelh dawn bakah Mizoram Police leh FC Bethlehem te an inkhel ang. October 7-ah Electric Veng leh FC Venghnuai te an inkhel ang a, Chanmari FC leh Chawnpui FC ten a tawp an khar dawn a ni.