Wawrinka a hniam zel
Association of Tennis Professionals (ATP) chuan Thawhṭanni khan world ranking a ti chhuak thar a, a sang zual 10 zingah Stan Wawrinka chiah a dinhmun a tlahniam - Swiss star hi pariatna aṭangin pakuanaah a tla thla a ni.
Grand Slam vawi thum champion tawh Wawrinka hi a hliam vangin tun season-ah a inkhel tawh dawn lo, Grand Slam hnuhnung ber US Open-ah pawh khan Serbian tlangval Novak Djokovic leh Andy Murray te nen an inlan thei lo tawh bawk.
Laver Cup-a Team Europe champion puitu Rafael Nadal leh Roger Federer te chu pakhatna leh pahnihnaah an awm zui leh, senior player pahnih hian season duhawm an hmang mek a, ATP Finals-ah pawh rinkai an ni leh ang.
ATP Ranking thar
# Player Ram Points
1 Rafael Nadal ESP 9,465
2 Roger Federer SUI 7,505
3 Andy Murray GBR 6,790
4 Alexander Zverev GER 4,310
5 Marin Cilic CRO 4,155
6 Novak Djokovic SRB 4,125
7 Dominic Thiem AUT 3,925
8 Grigor Dimitrov BUL 3,575
9 Stan Wawrinka SUI 3,540
10 Pablo Carreno Busta ESP 2,855