Vawiinah SAFF U18 final
India Under 18 chuan SAFF Under 18 Championship-a an match hnuhnung ber chu zanin dar 6:30-ah an khel dawn a, Nepal an hmachhawn ang - inkhel hmasa zawk tlai dar 3:30-ah Bhutan leh Bangladesh an inkhel bawk ang.
Team panga inel zingah India, Nepal, Bangladesh leh Bhutan-te hian point ruk ṭheuh neiin champion theih dan an la nei vek - eng tam tan mah inthlahdul a thiang lo.
Goal difference aia head-to-head points en hmasak zawk a nih avangin India tana pawimawh ber chu Bhutan-in Bangladesh an hneh a ni a, Bangladesh an tlawma India hian Nepal an hneh a nih chuan an champion ang - Bhutan hi 3-0 in an lo sawp tawh a, head to head points-ah lungngaihna tur a awm dawn lo.
India U18-ah hian Mizo paruk - Lalliansanga Renthlei, Lalengzama Vangchhia, Lalnuntluanga Bawitlung, Zonunmawia, Edmund Lalrindika leh Lalawmpuia te an tel. Inkhel hi internet lamah mycujoo.tv-ah live streaming-in a en theih ang.