Intluktlan duhtu LeBron James

Basketball star LeBron James chuan America ram chhungah mihang leh mingote chu intluktlang taka awm a duh thu a sawi chuak nawn leh ta.

US president Donald Trump chuan tun hnaiah hnam hla sak laia awm dan tur anga awm lo infiammi ṭhankhatte chu hrem emaw team aṭanga ban an nih tur thu a sawi. American football player ṭhenkhat chuan an rama mihang ten enhran an nih duh loh zia lantir nan hnam hla sak laiin an ṭhingṭhi tawh a ni.

Cleveland Cavaliers star James chuan, "Mipuiin he ram hi a ti kal a ni a, mimala insawi erawh ka duh lo, ka duh chu intluktlanna a ni. Mi ṭhenkhatin an dikna chanvo an hmuh theih nana an hmalakna hi kei chuan ka dem lo a, ka thlawp zawk a ni," tiin a sawi.

Kum 32 mi James hian 2017 khan Cavs chu NBA champion a nih pui a, Finals bikah hian Most Valuable Player atan thlan a ni, season hmasa erawh kha chuan beisei an phak lo thung.