Kum khat chhung atan Agnelli an hrem

Juventus president An­drea Agnelli chu Italy a pawi khawih ching pawl pakhat Mafia nena inzawm fans pawl hnenah ticket a hralh nia puh a ni a, Italian Football Federation chuan kum khat chhung atan a nihna chelh thei lo tura hrem a nih bakah £17,600 chawi tuin a ti.

Kum 41 mi Agnelli hi tun thlatir mai khan European Club Association president tura ruat a ni bawk a, a rual hian Juventus official pathum chu hrem an ni bawk - Turin club hi an mi pawimawh pathum an hrem sak bakah £264,000 chawi tura tih an ni bawk.

Prosecutor Giuseppe Pecoraro chuan Agnelli hi thla 30 hrem bakah £44,000 chawi awm a nih thu a sawi bawk a, Italian Football Federation-in hremna an pek chu a na tawk lo niin a sawi.

Italian champion Juven­tus chuan an club president Agnelli leh club-in hremna an tawh hi an khinlet tur thu sawiin, "Juventus Football Club chuan thil dik taka lanchhuah­tir kan duh a, rorelna dik kan hmuh theihnan hrem kan tawhna hi thuneitu sang zawk hnenah kan khinglet ang," tiin an sawi.