Bruno Fernandes tel nghal dawn

Manchester United chuan zanin dar 11:00 hian Wolverhampton Wanderers an mikhual dawn a, Ole Gunnar Solskjaer chuan player thar Bruno Fernandes chu squad-ah a awm nghal tur thu a tichiang.

United player thar Bruno Fernandes chuan, "Premier League leh Manchester United tana khelh hi ka duhthusam a ni ṭhin a, ka duhthusam a thleng dik ve ve hi ka lawm hle," tiin a sawi.

Fernandes chuan sawi chhunzawmin, "Cristiano Ronaldo hi ka player ngaihsan a ni a, a sulhnu chhui theih ka châk. Ani chu player ropui a ni a, ka chanchin ziah tur erawh a dang dawn a, United chanchina ka hming lantir ve ngei ka tum ang," tiin a sawi.

United manager Solskjaer chuan, "January transfer-a kan lakluh chinah ka lawm a, player dang kan lak theih ka beisei tawh lo. A thleng dawn tawh lo tihna erawh a ni lo," tiin a sawi.

Manchester United hian an academy chhuak Joshua King an ngaihven nia hriat a ni a, Bournemouth boss Eddie Howe pawhin thu dik a nih thu a tichiang. Nizan khan January transfer hi a tawp a, tukin zingah chuan engkim a chiang tawh ang.