Slovenia-ah Jeho-a'n silver a la

Mizo naupang Table Tennis khel thiam Jeho Himna­kulh­puingheta chuan Slovenia Junior and Cadet Open Cham­pionship 2007-ah silver medal a vaw chhuak.

Otocec, Slovenia-ah Sep­tem­ber 20-24 chhung khan in­elna neih a ni a, Jeho-a hi qualifying-ah a result a ṭhat tawh loh avangin pahnihna a ni a, main draw chinah player ṭha a hmachhawn nghal a ngaih phah.

Inelna tak neih hnu­ah India number 1 Jeho a chefuh a, final a luh thlengin a khingpui Argentina (world number 27) Hungary leh Iran naupang a hmachhawn apiang chu 3-0 in a hneh vek. Final-ah erawh Lunglei Salem Veng naupang hi Ireland aiawh a kal Owen Cathcart lakah 3-0 in a chak lo zawkah a ṭang ta thung a ni.

Petroleum Sports Promotion Board (PSPB) lama inzir mek Jeho-a chuan, "Asia leh Europe aṭangin player ṭha tak tak an kal khawm a, fixtures ka en mai phei ka chuan final luh beiseina ka nei tam lo hle. Mahse, beisei aia ṭhain ka khel thei a, beidawng duh loa ka beihna vangin tun dinhmun hi ka theng," tiin Vanglaini a hrilh.

Jeho-a hian TT a khelh thiam vangin India president Pranab Mukherjee hnen aṭangin National Child Award for exceptional Achievement 2015 a dawng tawh a, September thlatir maia neih zawk tak National Table Tennis Ranking Chamnpionship (South Zone)-ah pawh khan Sub Junior huangah gold medal a hlawh chhuak tawh bawk a ni.