Djokovic leh Agassi thawkdun zel dawn

Grand Slam vawi 12 champion tawh Novak Djokovic leh a coach lailawk Andre Agassi te chu season tharah pawh an thawkdun chhunzawm zel dawn.

Serbian tlangval Djokovic hi a kiu hliam vangin July thla tawp aṭang khan a la inkhelh leh lo a, a hliam vang hian US Open-ah pawh a inlan lo. Nakkum January thla a khelh tur Australian Open lamah a rawn kir thei chauh tura beisei a ni.

Kum 30 mi Djokovic leh Agassi te hi kumin May thla aṭang khan an thawkdun ṭan a, French Open leh Wimbledon-ah bak an thawhdun hman lo. Thla hnih chuang awrh hnuah Djokovic hi hliam vangin a khel thei lo zui a, beiseina nen nakkum an nghah a ngai ta rih ta zawk a ni.