Garbine Muguruza-i'n third round a lut

Hmeichhe player langsar an tlak phuk phuk laiin Thawhlehni zan khan world number 1 Garbine Muguruza chuan Lesia Tsurenko 6-4, 6-4 a hnehin Wuhan Open third round a lut. China-a inkhel dangah Simona Halep erawh a chak lo zui nghal thung a ni.

Wimbledon champion Mugu­ruza hian a khingpui service hi set khatna leh set hnihnatir lamah a chhuhsak thei a, a service a hum theih vek bawk si avangin harstana nei loin hnehna a chang.

Spain nula Muguruza chuan, "Kum hnih liam ta khan China-ah hian final ka khel a, a chak lo zawkah ka ṭang. Kuminah erawh tournament a zawh hnua hlim ber ni thei turin ka theihtawp ka chhuah dawn a ni," a ti. Muguruza hian kum 2015 final khan Venus Williams a ngam lo a ni.

Inkhel dangah seeded palina Halep chu Daria Kasatkina lakah 6-2, 6-1 in a chak lo a, thleng sang thei tura beisei awm zinga mi Caroline Wozniacki pawh Maria Sakkari-i'n 7-5, 6-3 in a hneh.

Greece nula Kasatkina hian tennis a khelh chinah world ran­king-a a sang zual palayer 10 lakah vawi li hnehna a channa chiah a ni, kumin chhungin world number 1 hlui Angelique Kerber chu vawi hnih a hneh tawh a ni.