Vawiinah India inlan dawn

ODI series an khelh mekah India chuan vawiin chawhnu dar 1:30-ah Australia chu Bengaluru khawpuiah an hmachhawn leh dawn. Series match nga khelh turah India hian match thum khel tawhin hnehna an chang fai vek a, 3-0 in series la chiang tawh mah se vawiinah pawh chak leh ngei an tum ang.

India hian Australia an hmachhawn hma hian test series, ODI series leh T20-ah Sri Lanka chu an whitewash tawh a, Australia pawh hi whitewash ngei an tumin a rinawm - chutihrualin Australia tan an hming­chhiat thup turin an hmabak match hniha chak a pawimawh thung. Inkhel a hmuhnnawm dawn tihna a ni.

ODI series an khelh zawhah India leh Aus­tralia hian Twenty 20 series match thum an khel leh dawn a, match hmasa ber chu October 7-ah khelh tur a ni ang.