Quarterfinal-ah Norrie a lut

Asia khawmualpuia tennis inelna Korea Open khelh laiah Cameron Norrie chuan quartefinal a lut. British number 1 hian last 16 inkhelah Japanese tlangval Kaichi Uchida chu 6-2, 6-2 in a hneh.

Kum 27 mi Norrie hi a khel ṭha zawk a ni a, set hnih an khelhah hian ṭum hnih ve ve a khingpui service a chhuhsak, harsatna lian tham tawk loin quarterfinal hi a invaw kai a ni.

Seeded pahnihna Cameron Norrie hian semifinal lut tur chuan Jenson Brooksby a hneh leh a ngai dawn. Last 16 inkhel dangah American player hian Korean number 1, tualchhung mite ṭan rawn ni bawk Kwon Soon-woo chu a lo hneh ve thung.

Norrie hian season kal laiah nomawi pahnih a chawi tawh a, pathumna tur a beisei mek. A tan kum ṭha a ni a, world ranking lamah pawh a vawi khat nan a sang zual 10 zingah a inhlangkai hial.