Pakistan-in England an hneh

Pakistan leh England ten T20 series an khel mek a, Nilaini zan khan Shaheens hian Gaddafi Stadium, Lahore-ah England chu run rukin an hneh. Babar Azam-a hote hian 3-2 in hma an hruai a, zanin dar 8:00 hian match rukna khelh a ni ang a, match sarihna hi October 2, Pathiannia khelh tur a ni.

Pakistan tan opener Mohammad Rizwan bawk a che ṭha a, ball 46-ah 63 runs a vaw chhuak. Rizwan hian thlawptu a nei ṭha tawk lo a, Pakistan hi over 19-ah vawm hlum vek niin 145 runs an siam. England tan target hi umphak theih ni mah se over 20 chhungin an tum ram an thleng pha lo.

Pakistan bowler-te an che ṭha tlang a, England-in over 20-ah 139/7 runs chauh an siam. Captain Moeen Ali-a'n thi loin 51 runs siam lo phei se chuan England chak lohna hi a tam lehzual ang. T20 World Cup a hnai tawh a, England batter-ten insiamṭhat an mamawh hle.