Chelsea midfielder hlui Ramires a chawl

Ramires chuan social media kaltlangin Nilaini zan khan football a chawlhsan thu a puang. Chelsea midfielder hlui hian a chawlh thu hi video hmangin a puang a, a club khelh tawhnate chungah lawmthu a sawi.

Kum 35 mi Ramires hian Joinville tana bul ṭanin Cruzeiro a pan a, Benfica chuan Brazilian club aṭangin euro maktaduai 7.5 in an lei chhuak. Ramires-a'n hming a chherna tak erawh Chelsea a tih theih a, London club hi Premier League, FA Cup, League Cup, Champions League leh Europa League-ah te a champion pui vek.

Brazilian midfielder hian Chelsea-ah a vanglai hun a hman hnuin Chinese club Jiangsu Suning a pan a, a hun tawp chu an ram club Palmeiras-ah a hmang. Ramires leh Palmeiras te hian November 2020 khan inhriatthiam tawnnain contract an titawp a, hemi hnu hian Brazilian midfielder hian club mumal a nei tawh lo.

Ramires hian Brazil tan match 52 a khel hman a, FIFA Confederations Cup 2009-ah a champion pui bakah Olympic 2008 khan bronze medal a lakpui bawk.