Kar nga chawl tur Everton defender

Everton chuan defender Nathan Patterson chu inhliam vangin kar nga a khelh theih loh tur thu an puang. Kum 20 mi right back Patterson hi Scotland-in Ukraine 3-0 a an hneh ṭumin ke rek hliam vangin zawnchhuah a ni.

Frank Lampard hnuaiah Patterson hian tun season-ah hmun pawimawh a chang pha a, tun season league match a khel kim vek. Tunah erawh inhliam vangin a chawlh rih a ṭul dawn a, Patterson hian Southampton, Manchester United, Tottenham, Newcastle United leh Crystal Palace te a hmachhawn theih a rinawm loh.