Aizawl FC-in Dinthar FC an hneh

Aizawl FC-in nimin tlai khan Dinthar FC chu 3-0 in an hneh. I League champion-in Mizoram Premier League bikah Maimawms vawi hnih an hnehna chauh a ni.

Paulo Menezes hoten hnehna an chan theih nan Kareem Omolaja, Jonathan Lalrawngbawla leh substitute H. Lalmuankima ten goal an khung a, man of the match-ah K. Lalṭhathanga thlan a ni.

Carter a awm lo

Dinthar FC-in inhliam vangin Clarence Carter an chhawr thei lo a, Nigerian midfielder awm lohna Maimawms midfield a thawl.

Aizawl FC coach Paulo Mene­zes-a'n Dinthar lakah result ṭha an nei ngai lo tih hre chungin pla­yer a rem a, Mizo goalkeeper Lalawm­puia chuan a vawi khat nan MPL6-ah inkhel bul a ṭan a, goal a chhuah lo.

Goal thum

Aizawl FC captain Alfred Ke­mah Jaryan-a'n hnai tak aṭangin a hlah a, vanduai hmahruaiah a ngaih theih hial.

Amaherawhchu, AFC-in Din­thar FC laka an record ṭha lo nuai reh nan minute 38-naah K. Lal-

ṭhathanga corner pet chu Kareem-a'n a tauh goal.

Dinthar an chesual nawn a, minute khat hnuah S. Malsawm­tluanga'n Maimawms defender R. Lalthantluanga ball a chhuhsak hnuah ball fing a pe lut a, Jojo-a'n harsatna nei loin a khung.

Second half-ah ruahsur vang­in inkhelh dan hmang a dang a, Dinthar FC-in substitute pathum an hman zingah midfielder KC Lalchhuanmawia luhtir mah se College Veng tlangval KC-a'n dang­lamna a thlen thei lo.

Aizawl FC-in inkhel an thunun tluan a, substitute MK-a'n hun tawp hma hretin chak nemnghetna khung.

Point thum hlu bik

Aizawl FC- leh Dinthar FC te hi MPL-ah a vawi 11 an inkhel tawh a, Paulo Menezes hnuaia hnehna an channa hi a vawi hnihna chauh a nih avangin point thum hlu bikah a ngaih theih.

I League champion-in Portu­guese coach kaihhruaina hnuaiah a vawi khat nan match zawnin hnehna an chang a, point 9 hmuin table-ah pathumnaah an invawrh chho.

MPL4 champion hian match hnuhnung pahnihah goal kua an khung a, an chunga awm Chhinga Veng FC leh Chanmari FC an draw ve ve thei a, champion rinkai zingah chhiar tel an ni leh tawh ang.