Sangakkara a chawl ta

Sri Lanka captain hlui Kumar Sangak­kara chuan first class cricket a chawlhsan ta. Kum 39 mi batsman hian Nilaini khan County championship-ah Surrey tan run 35 siama a tawp thleng damin first class cricket a mangṭha a ni.

October 27-a kum 40 tling mai tur Sangakkara hian test cricket-ah match 134 inlanin run 12,400 a siam a, test run siam hnem lamah pangana a ni. Sangakkara hian international cricket hrim hrimah run 28,016 a siam thei a, a tluk loh awmchhun chu run 34,357 siamtu Sachin Tendulkar a ni.

T20 League erawh khelh chhunzawm zel tur Sangakkara chuan, "Cricket ka ngai dawn a, inchhirna tlemte chauh neiin he game hi ka mangṭha dawn a ni. Mahse, ka sulhnu leh ka khelhdan thlirkirin lawmna tur hlir a ni," a ti a, a thlen chinah a lawm.