Moya chunga rinna nghattu Nadal

World number 1 Rafael Nadal chuan season thar aṭanga coach puitling ni mai tur Carlos Moya lakah rinna a nghat a, thawhpui nuam a tih thu a sawi chhuak.

Grand Slam vawi 16 champion tawh Nadal leh a coach ni lai Toni Nadal te chu tun season chhung bak an thawkdun tawh dawn lo a, tuna coaching team a awm sa tawh Moya nen an inzui chhunzawm dawn ta zawk a ni.

Spain tlangval Nadal chuan, "Carlos hian min ṭawiawm ṭha thei hle, tennis chanchin a hriain hmasawn ka ngaihna lai a hmufuh thei hle, hlawhtlinna kan chan dun theih ngei ka beisei a ni," tiin a sawi.

Kum 31 mi Nadal hian hliam a neih avangin season hmasa khan beisei a phak lo a, a ban rek na a dam hnuah erawh player ṭha berte zinga mi a la ni. World ranking huangah a sang 10 zingah tel phak lo khawpin tlahniam hman mah se kuminah French Open leh US Open nomawi a chawi theih avangin number 1 a ni leh tawh a ni.