Ostapenko lakah Muguruza chak lo

Hmeichhe tennis world number 1 Garbine Muguruza chu Wuhan Open quarterfinal aṭangin a tla. Ningani zan khan Spain nula hi French Open champion Jelena Ostapenko lakah 1-6, 6-3, 6-2 in a chak lo a ni.

Kum 23 mi Muguruza hi a malpui hliam vangin set hnuhnung ber an khelh laiin a chawlh a ngai a, hliam nei chunga a khelh avangin Latvian nula

ṭhangduang Ostapenko lakah a tho chhuak zo lo. Ostapenko hian hnehna chang tur hian game hnu­hnung paruk a la fai vek.

Inkhel dangah Ash­leigh Barty chuan seeded pathumna Karolina Pliskova chu 4-6, 7-6 (7-3), 7-6 (7-2) in a hneh ve bawk a, semfinal-ah chuan Barty leh Ostapenko te an inkhel leh ang.

World number 1 Mu­guruza chuan, "Osta­penko khan ball a vaw na em em a, na taka ka vuak let pawh khan a hla duh mai mai lo bawk. Vawiin kan inkhel bikah chuan a chungnung zawk, ka malpuiah harsatna nei lo ni ila chuan result chu a danglam thei mai thei," tiin a sawi.