I League 2nd Division khel turin kawng a inhawng

All India Football Federation (AIFF) chuan Second Division League khel turin state football association-te chu an enkawlna hnuaia club-te nominate turin a hriattir a, nomination hi October 4 hmaa siam tur niin 2nd Division I League khel turte chuan an State FA ṭheuh an dawr a ngai dawn a ni.

I League CEO Sunan­do Dhar chuan, "Tun hnaiah Second Division League hian hma a sawn nasa em em a, he league hian ram tana khel phak player tam tak a lo chher chhuak tawh hial. Hei vang hian club tam takin he league hi an khelh chak kan ring a ni," tiin nomination siam theih hun an hawn chhan a sawi.