Kamo chungah Bagan an lawm lo!

Mohun Bagan hotute chuan Calcutta Football League (CFL)-a an match hnu­hnung pathumah an striker Kamo Bayi chuan beisei a phak loh em avangin zawhna an pe dawn! Ivorian striker hian an match hnuhnung pa­thuma Mohammedan Sporting, Peerless leh East Bengal an hmachhawnna inkhelah goal a khung lo vek.

Bagan hotu zinga mi Debashish Datta chuan, "Kan match hnuhnung pathuma a khelh dan chungchangah kan lawm lo a, technical committee chuan a theihna zawng zawng a pe tawk loah an ngai a ni," a ti a, Aizawl FC striker hlui hi tun thlaah a contract a tawp dawn avangin Mariners hian chelh an tum lo niin an sawi.

Hetihlai hian East Bengal chuan Ivorian striker lakluh an duh thu an zep lo a, AFC lama Kamo lo kaihruai tawhtu Khalid Jamil chuan, "Ka ngaihdanah chuan tun season CFL-ah khan Kamo kha player ṭha ber pawl a ni. Indian striker ṭha tak tak kan neih avangin Kamo hi kan dawr ngei ang em tih ka sawi thei lo a, mah se Bagan hian an chhuah zalen a nih phawt chuan dawr dan kan ngaihtuah ang," tiin a sawi.