National Games-ah Mizo MC

National Games 2022-ah AIFF match commissioner Malsawma Renthlei, Chanmari chu football enkawl tur zingah a tel.

Football inelna hi Ahmedabad-ah September 27 aṭanga October 11 chhung neih tur a ni a, Malsawma Renthlei hian mipa inelna a kaihruai ang. Tun ṭum inelnaah hian Mizo mipa team an tel pha lo a, hmeichhe team erawh an tel thung.

Malsawma Renthlei hian India rama inelna lian Durand Cup final-ah MC hna a lo chelh tawh a, inelna lian hrang hrang a lo kaihruai tawh bawk.

Mizoram Premier League neih mekah pawh Malsawma Renthlei hian MC hna a chelh a ni.