Norrie inkhel zui thei lo

Korea Open quarter-final an khelh hma darkar khat pawh a awm tawh loh tihah Cameron Norrie a inhnukdawk. British number 1 hi Jenson Brooksby nen inhmachhawn tur ni mah se, damlohna vangin a inkhel thei ve lo.

Kum 27 mi Norrie hian match hmasa lamah Japanese player Kaichi Uchida chu 6-2, 6-2 in a hneh. Korea rama inelna neihah hian nomawi chawi tura rinkai ni mah se a tum ram a thleng zo ta lo a ni.

Ruahman dan chuan October 3 aṭanga khelh tur Japan Open-ah tel leh tur a ni, a dinhmun erawh a chiang rih lo. World number 8 ni lai hian a thiam pariat inelna ATP Finals khel phak ngei turin tournament khelh tam a mamawh.