Pickford a kir dawn

Southampton chuan zanin dar 7:30 hian Everton an mikhual dawn a, Toffees-in goalkeeper Jordan Pickford an chhawr thei dawn. English keeper Pickford hi Merseyside derby an khelh ṭuma a inhliam avangin England tan tun ṭum international break-ah khan a inlan thei lo.

Everton manager Frank Lampard chuan, "Pickford a dam thu hriat hi chanchin lawmawm a ni," tiin a sawi a, Dominic Calvert-Lewin erawh a dinhmun a la chiang lo. English striker Calvert-Lewin hi August thla Chelsea nen an inkhelh ṭumin a inhliam.

Kum 25 mi Calvert-Lewin hian season liam ta khan match 17-ah goal nga a khung a, goal khungtu mamawh Everton hian a dam thuai an beisei ang.