MPL9 @ Khawzawl - 5 Days to go

Mizorama football inelna sang ber Mizoram Premier League Season 9 round 7 chu Khawzawlah October 6-7, 2022 hian khelh a ni dawn.

I Day Football champion Mizoram Police-in kai thar FC Bethlehem an hmachhawn dawn. Ni khatnaah hian inelna hmahruai mektu Aizawl FC leh pahnihna Chhinga Veng-te an inkhel bawk ang.

Ni hnihnaah Electric Veng leh FC Venghnuai-te an inkhel dawn a, team pahnih hi an match hnuhnung berah an chak ve ve. Chanmari FC leh Chawnpui FC ten a tawp an khar dawn a, anni pahnih hi match hnuhnung pahnihah an chak lo ve ve.

Aizawl aṭanga Khawzawl hi darkar 5-6 kal vel a ni a, kawng dinhmun a zirin tlan chhung hi a danglam thei ang. Lunglei, Serchhip, Champhai leh Kolasib-a MPL khelh a nih ṭumin Aizawl aṭangin mi ṭhahnem tak an kal a, tun ṭumah pawh hian football ngainatu eng emaw zat an kal beisei a ni.