Vawiinah Mizoram Vs Tamil Nadu

National Games football-ah Mizoram hmeichhe team chuan match hamsa berah Goa an hneh lo a, semifinal thlen a harsa dawn. Vawiin chawhma dar 9:30 hian Tamil Nadu an hmachhawn dawn a, chiang taka hneh a ṭul ang.

Inrinni khan Mizoram hian match hmasa berah Goa chu 2-1 in an hneh lo a, Lunglei nula Lalduhthlani Pachuau-in goal awmchhun hi a khung. Mizoram coach F. Lalrozara chuan, "Kan khel ṭha zawk a, goal khung kan harsat. Ṭum thum lai crossbar kan tih per a, point hmuh kan phu reng laia kan chak lo hi pawi kan ti hle. Mahse, beisei tur a la awm a, theihtawp kan chhuah zel ang," tiin a sawi.

Mizoram awmna group-ah hian Goa, Tamil Nadu leh Manipur te an awm. Team ṭha ber tura ngaih Manipur hian Tamil Nadu chu 5-2 in an sawp a, group match hnuhnung berah Mizoram nen an inhmachhawn ang.