Chhuanlam siam a thiang lo - Neves

Wolverhampton Wanderers-in Inrinni zan khan West Ham United 2-0 in an hneh lo a, Hammers tan hian Gianluca Scamacca leh Jarrod Bowen ten goal khat ve ve an khung. Wolves captain Ruben Neves chuan chhuanlam siam a thiang lo, tiin inkhelh banah a sawi.

Wolves hian match riatah point ruk lek an la hmu a, relegation zone-ah an awm. Neves chuan, "Premier League atan kan khelh dan hi a tawk lo. Kan vaiin, keimah tiamin tun aia ṭha zawka kan khelh a ṭul a ni. Manager chauh ni loin kan vai mawhphurhna a ni," tiin a sawi. Wolves hian result ṭha an neih loh avangin Bruno Lage dinhmun pawh a derthawng ta hle.