Hmeichhe basketball-ah USA champion

International Basket-ball Federation (FIBA) Women's Basketball World Cup 2022-ah USA hmeichhe team an champion a, Sydney khawpuia champion nomawi chawi tur hian China chu Inrinni khan 83-61 in an hneh.

USA tan Most Valuable Player-a thlan ni zui ta A’Ja Wilson chu player langsar a ni a, point 19 a score a, Chelsea Gray chuan point 10 a score bawk.

Sydney Superdome-a mipui 16,000 hmaah USA an chungnung a, a tawpah a zawna a vawi li nan an champion - World Cup-a an vawi 11 champion-na a ni bawk a, an champion ang zat champion thei an awm lo.

USA hi an final zinkawng a ngaihnawm hle - September 26 zan khan South Korea chu 145-69 a hnehin, World Cup-a point score hnem ber record an siam a, semifinal-ah Canada chu 83-43 a hneh zuiin, World Cup semifinal-a point score inthlau ber record a ni bawk.