Champion lawm laiin Fabinho in an rawk

Premier League-a Liverpool champion puitu Fabinho-a in chu Premier League champion an lawm laiin rawk a ni a, tlereuh leh car manto Audi RS6 an ru. 

Merseyside Police-te chuan India pawisaa nuai 140 chuang man car Audi RS6 hi an hmuh let tawh thu an sawi a, rukrukna hi Nilaini zan dar 7:30 leh Ningani zing dar 8:30 inkara thleng a nih thu an sawi. Brazilian midfielder Fabinho hian May 2018 khan pound maktaduai 40 chuangin Liverpool hi a zawm a, Reds tan season hnih chhungin inelna hrang hrangah match 80-a khel tling der tawh. 

AS Monaco aṭanga Liverpool zawmtu midfielder hian English club a zawm hnuah Premier League, Champions League leh UEFA Super Cup nomawi a chawi tawh. FIFA Club World Cup-a an champion-naah erawh hliam vangin squad-ah a tel lo a ni.