A zawna vawi nga chak lo Konta

Johanna Konta-i'n beisei a phak lo chhun­zawm zel. Britain ten­nis star hi Inrinni zan khan China Open aṭangin world number 65 Monica Ni­culescu chuan darkar khat leh minute li chhungin 6-1, 6-2 in a vaw tla a ni, a zawn­in vawi nga a chak lo tawh.

Kum 26 mi Konta hi tun dinhmunah world number 8 a ni a, season tawpa a thiam pariat ten an khelh ṭhin WTA Finals-a inlan turin a dinhmun a la chiang lo, result ṭha a nei lo chho zel a nih chuan ani aia ranking hniam zawk ten lehpelhna hun an la nei.

Beijing-a inkhelah hian player langsar ten beisei an phak lo hle a, tunah chuan Sloane Stephens, CoCo Vandeweghe leh Caroline Garcia te chu nomawi beisei thei tura langsar an ni mek.

Kumin WTA Finals hi Singapore-ah khelh a ni dawn a, he huna inlan tur hian world number 1 Garbine Muguruza, Simona Halep, Karolina Pliskova, Elina Svitolina, Venus Wil­liams leh Caroline Woz­niacki te bakah Jelena Osta­penko te chu an khel phak dawn tih a chiang tawh.