Palace buaina a fel hnai lo?

Premier League season kal laiah Crystal Palace-in match sarih khelh tawh aṭangin point an la hmu lo a, goal khat mah an la khung lo. Striker rinrawl Christian Benteke chu a khup hliam vangin kar ruk a chawlh a ngai dawn a, club player manto ber thlak tur an nei chuang lo.

Palace hi kartawp khan Manchester United chuan 4-0 in a sawp a, United nen an inkhelh ṭum hian winger Bakary Sako chu hmatawngah dah niin kum 24 mi Freddie Ladapo chu bench aṭanga luhtir a ni bawk. Ladapo hian Premier League a vawi khat khelhna a ni a, season hnuhnung pahnih khan League One lamah goal ruk a khung.

Crystal Palace mana­ger Roy Hodgson chuan, "Tun dinhmunah chuan winger kha striker atan kan chhawr a ngai a, Freddie Ladapo kha a club tana a first team match hmasa ber a khel bawk. Kan dinhmun thlir chuan khatiang khan player kan rem mai a ngai a ni, ka naute kha 4-6-0 formation hmanga rem ngawt ai chuan a la fuh zawkah ka ngai," tiin a sawi.