Sharapova chak zel

China Open khelh mekah nimin khan Maria Sharapova chuan Ekaterina Makarova chu 6-4, 4-6, 6-1 a hneh­in second round a paltlang. Wildcard pek a nih avangin inlan thei Sharapova hian Makarova lakah a zawnin vawi sarih hnehna a chang ta a, tun ṭum chiah hi set thum an khelh a la ni.

Russia nula Shara­pova hian kum 2014 khan Beijing-ah hian hlawhtlinna a lo chang tawh a, third round-ah chuan Magdalena Rybarikova leh Simona Halep te inkhela chak zawk nen an inhma­chhawn leh ang.

Grand Slam vawi nga champion tawh Sharapova chuan, "Tennis game sang leh hautak tak kan khel a, a tawpa ka vanneihna chu attacking game ka khelh ngam vang kha niin ka hria. A tir lamah kha chuan ka khingpui khelh dan kha ka ngai chang lutuk a, set thumnaah erawh ka duh dan takin ka khel chhuak pawp a ni," tiin a sawi.