Premier League Hmanah chuan Berahino, tunah chuan Kane!

November 2014 khan West Brom striker Berahino chu England tana inlan turin Roy Hodgson-a'n a ko a, hetihlai hian a league match hnuhnung pasarihah goal 10 a khung.

England tana Berahino koh a nih karah hian Harry Kane-a'n hetihlai hian Aston Villa lakah a team tan chakna goal a khung a, mah se Tottenham Hotspur tan vawi khatmah inkhel bul a la

ṭan lo - England tana koh phei chu la hla tak a ni.

Mahse, tunah chuan...

Kum 2014-ah kha chuan Berahino-a chanchinin sawi a hlawh a, tunah erawh Stoke City striker ni ta hian Premier League goal a khung hnuhnung ber aṭanga chhutin Leicester City-in Premier League nomawi an chawi tawh a, England-in manager pathum an nei.

English striker hian Premier League 30-ah goal a khung lo tawh a, 38 shot a nei. Kum 24 striker hian ni 538, minute 1908 chhung Premier League-ah goal a khung tawh lo tihna a ni - Berahino hian Inrinni khan rei tak goal a khung tawh loh thaibona remchang nei mah se Southampton goalkeeper Fraser Forster chuan a penalty pet a dan sak!

Chutihlai chuan...

Berahino-a'n February 28, 2016 hnuah Premier League-ah goal a khung tawh lo a, hetihlai hian a hunlaia Berahino 'level' pawh ni loa ngaih striker Kane-a'n league goal 44 ngawt a khung hman thung a, amah hnaih bertu Sergio Aguero chuan goal 36 a khung - Spurs striker hian amah hnaih bertu aiin goal riatin a khung tam zawk tihna a ni.

Kum 2015 nipui transfer lai khan Berahino hi Spurs chuan lakluh tumin vawi li ngawt an dawr a, Baggies chairman Je­remy Peace-a'n a hnawl fai vek! Berahino-a'n goal khung a harsat laiin kum 36 mi Peter Crouch chuan bench aṭanga tlan lutin chakna goal a khung thung a, Liverpool striker hlui hian 'international football' a la chawlhsan loh thu a puang - Gareth Southgate i lo ngaithla maw?

Kane leh goal 13

Tottenham striker Harry Kane-a'n August-ah goal khung miah lo mah se September-ah erawh harsatna a tawk lo - club leh ram tan match riat khelin goal 13 a khung! Manchester United leh Everton defender Phil Neville-a'n Kane tan Ballon d'Or dawng tur chuan Barcelona emaw Real Madrid a zawm a ngaih thu sawi mah se Kane hian Cristiano Ronaldo leh Lionel Messi a hlat tawh bik lo tih a lantir - Messi leh Ronaldo hian thla khata goal an khung hnem ber ṭumin goal 13 aia tam an khung bik lo.

Kane-a'n Spurs tan Premier League match 123-a khelh tawhah goal 84 a khung a, hei hi Ronaldo-a'n Manchester United tana goal a khung zat nen a in ang - hei erawh hriat tel a

ṭha, Kane hian match 73-in a la khel tlem zawk! English striker hian Premier League match-ah khualmualah a zawnin vawi thum goal-a khung a, Arsenal legend Dennis Bergkamp record a nihrual - Premier League a goal khung hnem ber Alan Shearer record nihrual turin goal 177 a la mamawh.

Wenger a kal zel

October 1, 1996 - hemi niah hian Arsenal Football Club chuan an manager ni turin Arsene Wenger an lalut. French manager a hawikir tawh lo - Premier League nomawi pathum leh FA Cup pasarih a chawipui a, tun hnaiah duhkhawp lohna sawi thawm ri fo mah se season ṭan dawn khan kum hnih dang cham turin contract thar a ziak.

Pathianni kha Wenger-a'n Arsenal a enkawl champha kum 21-na a ni a, Brighton and Hove Albion lakah 2-0 a a team chakpuiin a lawm - Wenger hian Premier League-ah team 45 hneh tawhin Sir Alex Ferguson-a'n Manchester United-a record a lo siam tawh a khum. Wenger-a hneh hmasak ber chu Blackburn Rovers an ni a, Everton (27) hneh ngun berin a team enkawlin goal an khung hnem berna (85) an ni bawk.