Kompany an thawn haw

Belgium chuan an defender Vincent Kom­pany chu World Cup qualifier khel turin ko ve mah se a hliam a la dam fel loh avangin training-na hmun aṭangin an thawh haw leh. Belgium hian kartawp hian Bosnia and Herzegovina leh Cyprus an hmachhawn dawn a ni.

Kum 31 mi Kompany hi August thla khan a chawn a hliam a, tun thleng­in match pangngai a la khel leh lo. Manchester City tan la inlan lo mah se ram tan a inlan theih tawh beisei a ni a, mahse ram tan pawh a la fit chuang lo.

Belgium international defender Kompany hi tun hnaiah a inkhelh theih mumal loh avangin captain a nihna pawh Eden Hazard lakah a chan tawh a, harsatna a tawk chho zel a nih chuan nakkum Russia World Cup khel tur pawhin a dinhmun a derthawng chho thei ang.

Manager Roberto Martinez chuan, "Zir­tawpni khan inkhel turin kan ko a, mahse ni hnih chhung endik a nih hnuah kan insiksawi leh a ngai ta a ni. Manchester City nen ṭha takin inbiakna kan nei a, tun dinhmunah chuan Kompany hi a inkhel thei rih lo a ni," tiin a sawi.