Football-ah Mizoram beiseina a tawp

National Games football-ah Mizoram hmeichhe team chuan match hmasa berah Goa an hneh lo a, nimin khan Tamil Nadu lakah 8-0 ngawta an mualpho avangin medal beiseina a tawp.

Tamil Nadu hian Manipur hneh lo mah se team ṭha an la ni tho. Manipur hian India team-a player tam zawk an thawh thei a, Tamil Nadu hian league mumal tak an nei. Indian Women's League hnuhnung berah Tamil club Sethu-in final an lut a, tun ṭuma an player tam zawk pawh hi Sethu player-te an ni.

Mizoram hi Goa, Tamil Nadu leh Manipur te nen group khatah an awm a, a ti ṭha pahnihin semifinal an lut dawn. Nimin tlai khan Manipur hian Goa hnehin knockout stage an lut a, group match hnuhnung berah Tamil Nadu leh Goa hian hmunruak pakhat hi an inchuh ang.

Mizoram hian group match hnuhnung berah Manipur an hmachhawn dawn a, October 5, tlai dar 3:30 hian Shahibagh Police Stadium-ah an inkhel ang.