A vawi nga nan Oliveira a chak

Miguel Oliveira chuan MotoGP Thai Grand Prix-ah hnehna a chang a, bike intlansiakna sang ber a luhchilh hnua hnehna a chan vawi ngana a ni, atan chuan ni chhinchhiahtlak bik tlemte zinga mi a ni ngei ang.

Chang International Circuit, Buriram-ah tlankawng a hnawng deuh a, bike ke (tyre) thlan fimkhur a ngai. KTM rider hi a tlan ṭha ber a ni a, a elpui hnai ber Ducati rider Jack Miller aiin 0.73 seconds in a thleng hmasa zawk.

Championship hmahruaitu Fabio Quartararo chu 17-na a ni a, Yamaha rider a chet fuh loh ni hian a elpui Ducati rider Francesco Bagnaia chu pathumnaah a thleng thung, an inkarah point hnih chiah a awm ta.

Kum 27 mi Oliveira chuan, "Ka hlim takzet, ka tan chuan hetiang ni hi a thleng khat, ka theihnghilh tawh ngai lo ang," tiin a sawi. October 17 hian Phillip Island Circuit-ah Australian Grand Prix an tlan leh ang.