FWA Footballer of the Year Hendo

Liverpool captain Jordan Henderson chu Football Writers' Association Footballer of the Year-ah thlan a ni a, top five-a lang ve dang Liverpool tana a khelhpui Virgil van Dijk leh Sadio Mane, Manchester City star Kevin De Bruyne leh Manchester United forward Marcus Rashford te a khum a ni. 

Hendo chuan, "He chawimawina ka dawn theih avanga ka lawm em em rual hian mahni maia dawng thei niin ka inhre lo. Mi tam tak chungah ka lawm rualin ka khelhpuite chungah ka lawm lehzual a, anni hian keimah ang thoin he chawimawina dawn hi an phu a ni," a ti a, team thawhrah a seng mai thu a sawi. 

Kum 30 mi midfielder hi Liverpool player zinga he chawimawina dawng thei 12-na a ni a, kum hnih liam taa Reds player Mohamed Salah-a'n a dawn hnua Liverpool player he award dawng leh thei hmasa ber a ni bawk. Hendo hian tun season inelna hrang hrangah match 40 khelin goal li a khung a, assist vawi nga a nei bawk - statistics piahlama hruaitu ṭha a nihna leh team a huikhawm thiamna chu fak a hlawhna a ni a, hmun lia ṭhena hmun khat lai he award dawng tur hian vote-a hmu thei a ni.