FIFA-in FA dilna an hnawl

Khawvela football thu­neitu sang ber FIFA chuan Football Association-in Leicester City midfielder Adrien Silva chungchanga dilna an thlen chu an hnawl sak - Foxes hian an midfielder thar hi chhawr tur chuan nakkum Janaury thla an nghah a ngai dawn tihna a ni.

Nipui transfer bazar tawp ni khan Leicester hian Sporting Lisbon aṭangin pound maktaduai 22-in Silva hi an lalut a, mahse thil tihfel ngai an tihfel meuh chuan second 14 in an tlai. An tlaina hi second tlemte chauh ni mah se FIFA chuan Silva-a International Transfer Certificate hi an hren sak a, a inkhelh theih nan FA lamin hma lak sak mah se a hlawhtling ta rih lo.

Premier League-ah Leicester hi 17-na niin an dinhmun a ṭha rih lo hle, league nomawi chawipui tawhtu Danny Drinkwater chu champion lai Chelsea hnenah pound makatduai 35-in an hralh a, an midfielder thlaktu tura an ngaih Silva an la chhawr theih loh avangin hun harsa an tawn phah nia ngaih a ni.

Silva hi a club tan la in­khel thei rih lo mah se rim takin training a nei tho a, thla hmasa khan a chhungte nena hun hmang turin Portugal lamah a kir. Euro champion Portugal chuan FIFA World Cup qualifier match hnih khelh hmabak an neiha Andorra leh Switzerland hmachhawn tur squad-ah chuan Silva hi an telh ve lo a ni.