Bale tel loin kan khel thei - Coleman

Wales forward Gareth Bale chu a chawn hliam vangin World Cup qualifier khel tur an ram squad-ah telh a ni lo a, manager Chris Coleman chuan an player langsar tel lo hian hnehna an chan theih a beisei thu a sawi chhuak.

Tottenham player hlui Bale hi kartawpa Real Madrid leh Espanyol ten La Liga match an khelhah pawh khan a inlan thei lo tawh a, ramin a mamawhna sang hle mah se Football Association of Wales (FAW) lam chuan chhawr luih an tum ta lo a ni - Wales hian Zirtawpni zan dar 9:30-ah Georgia an lenchilh ang.

Wales manager Chris Coleman chun, "Player ṭha bik chan hi chu a hnawhkhahna tur ngaihtuah hi hna awlsam a ni ngai lo. Mahse, tun

ṭumah chuan kawng kan zawn a ngai a, hnehna kan chan ngei theih nan player dang zawng zawngin an khelh ṭhat a ngai dawn a ni," tiin a sawi.

Kum 28 mi Bale hian ram tan match 68 khelin goal 26 a khung tawh a, nikum khan European Championship-ah an ram hi semifinal a hruai thleng thei a ni. Nakkum World Cup khel tur erawhin Wales hi an dinhmun a la ṭha tawk lo, Group D-ah awmin hmahruaitu Serbia chu point liin an phak lo a, pathumna Ireland aiin point khatin an sang zawk thung.