Coach ṭha kan mamawh - Sindhu

Pullela Gopichand kaih­hruaina hnuaia hlawhtlinna tam tak tawng chho mektu P V Sindhu chuan tun dinhmun a thlen theihna chhan chu coach ṭha a neih vang tih a hai lo, Hyderabad nula hian Indian shuttler ten hma an sawn zel theih nan coach ṭha an mamawh thu a sawi chhuak.

World number 2 Sindhu hian nikum khan Rio Olympic-ah silver medal a dawng, gold medal inchuhna inkhelah Spain nula Carolina Marin hneh lo mah se a thlen chin ang thleng thei hi India nula zingah an la awm ngai lo.

Kum 22 mi Sindhu chuan, "Badminton court ṭha tak tak hmuh tur a tam a, player-te zirtu tur coach ṭha erawh hmuh tur an tam lo. China leh Japan te anga hmasawn zel kan duh a nih chuan coach ṭha kan neih hnem a ngai a ni," tiin a sawi.