Fury a inhnek tawh dawn lo?

British boxer chanchin ngah Tyson Fury chuan British Boxing Board of Control-ah a licence dil nawn a tum loh thu a sawi. Kum 29 mi boxer hi October 2016 khan damdawi hman phal loh a lo hman avangin a licence hlih sak a ni.

Mahse, March thlaa a lo kir leh tur thu sawi tawhtu boxer chuan, "Uluk taka ka ngaihtuahna ka sen hnuah BBBofC boxing license hi dil ka tum tawh lo. An thil kalpui dan uluk taka ka thlir hnuah dil nawn chiah pawh ka ruat lo a ni," a ti.

November 2015-a IBF, WBO leh WBA world heavyweight title kawl tura Wladimir Klitschko hnehtu boxer hian licence dil nawn a tum tak lohah chuan a hmalam hun a chiang ta lo hle.