Match hmasa berah Ruud a tlawm

US Open 2022 finalist Casper Ruud chuan Asia rama inelna a hmachhawn a, nimin khan Japan Open khelin a match hmasa berah Spanish tlangval Jaume Munar chu 6-3, 6-3 in a hneh lo.

New York khawpuia inelna a hmachhawn hnuah Ruud hi a la chawl hahdam meuh lo. Laver Cup leh Korea Open a khel leh tawh - Asia khawmualpuia inelna a hmachhawn hmasa zawkah hian quarterfinal a thleng.

Tun ṭuma an tourna-ment khelh Japan Open-ah hian seeded pakhatna a ni a, chak tura rinkai a ni bawk. Mahse, a service vawi li ngawt a hloh laiin, a khingpui service vawi khat chiah a chhuhsak thei, rin aia hmain a zinkawng a tawp.