Derby chak lo hi insiamṭhat nan kan hman a ṭul - Fernandes

Pathianni zan khan Manchester derby-ah Manchester City-in Manchester United chu 6-3 in an sawp a, Bruno Fernandes chuan an hmelma laka an mualphona chu insiamṭhatna atana an hman a ṭul thu a sawi.

Manchester derby-a United captain hna chelhtu Fernandes chuan, "Inkhelh ṭan dawna kan rilru put hmang kha a ṭha lo a, khami avang khan harsatna kan tawk a, goal pawh kan chhuah hma phah. Inkhel kan thlir chuan second half-ah hma kan sawn a, ball kan chan tam khan kan huai sawt.

"Kan chak loh dan kha pawi kan ti takzet a, chutihrualin indawm kun reng a rem lo. Kan khelh leh tur atana kan rilru sawrbing a ṭul tawh zawk. Derby chak lo hi insiamṭhat nan kan hman a ngai a ni," tiin a sawi.

Manchester United hian Europa League-ah October 6, Ningani zan dar 10:15 hian Cypriot club AC Omonia an hmachhawn ang.