Hetmyer-a'n World Cup khel dawn lo

West Indies batter Shimron Hetmyer chu thlawhtheihnaa a nan hman loh avangin World Cup squad aṭangin an paih a, Hetmyer aiah hian Shamarh Brooks chu dah luh a ni.

Hetymer hian chhung-kaw thil avangin Australia pan hun chu sawn a dil a, Inrinnia kal tur chu Thawhṭanniah an sawnsak. A kal hun an sawnsak avang hian Windies-in vawiin tlai dar 1:40-a Australia nen T20 match an khelh turah a tel thei lo.

Amaherawhchu Hety-mer hian Thawhṭanniah pawh thlawhtheihna hi a nang hman ta chuang lo a, Cricket West Indies (CWI) chuan squad aṭangin an paih. CWI chuan, "Tih theih dang kan nei lo, thlak chauh hi kan theih a ni. Team kan ngai pawimawh a, player-ah hriatthiam bik kanneih a thiang lo," tiin thuchhuah an siam.

Windies hian October 17, Thawhṭanni chawhma dar 9:30 hian Scotland an hmachhawn dawn. Group B-ah hian Windies bakah Scotland, Ireland leh Zimbabwe te an awm.