Kum thara rawn kir tur Ribery

Bayern Munich winger Franck Ribery chu a khup hliam zai a ni a, kumin chhungin a inkhel thei tawh dawn lo. Kum 34 mi Ribery hian nakkumah ṭha taka rawn kir theih a beisei thu a sawi chhuak.

Kartawpa Bayern Munich leh Hertha Berlin te 2-2 a an inhnehtawk ṭumin Ribery hi a hliam a, Bundesliga champion hian an player chawlh chen tur hi la sawi lo mah se Ribery hian kumina a inkhelh a beisei tawh loh thu a sawi chiang a ni.

France international hlui Ribery chuan, "Ka khup chu ṭha taka enkawl niin hma ka sawn zel a, nakkumah tun aia ṭha zawk hian rawn kir theih ka inbeisei. Hliam ka neih chungchangah dam leh thuai tura duhsakna ka dawng hnem a, min tawrhpui tute zawng zawng chungah ka lawm hle a ni," tiin a sawi.