Vawiinah Sunfeast Cup final

Mizoram Football Association leh SPT Sports buatsaih Sun­feast Cup chu vawiin chawhma hian Rajiv Gandhi Stadium, Mual­puiah a hmawr bawkna neih a ni dawn.

Inelna hi category pathuma buatsaih a ni a, mipa inelnaah Under 13 leh Under 16 awmin hmeichhe inelnaah Under 16 a awm bawk.

Mipa inelnaah team 32 chiah tel theih a ni a, entry pe hmasa duhsak an ni. Under 13 inelnaah FC Stonzz leh Kawnpui Football Academy te chuan final an thleng a, Under 16 inelnaah Aizawl FC Academy leh MFA Grassroots ten nomawi an inchuh bawk ang.

Hmeichhe inelnaah hian team pahnih chiah an inlan a, MFA Grassroots leh Mizoram Sub Junior Team ten double leg hmangin champion an zawng ang. Grassroots naupang hian first leg-ah Mizoram aiawha kal tura training nei mek Sub Junior Team chu 2-1 in an hneh a, vawiina an khelh tur hi second leg a ni.

Category hrang hrang lawmman
Winner Rs 26,000
Runners Up Rs 16,000
Semifinalist (each) Rs 2,500
Winning coach Rs 3,000
Champion leh Runners Up team tan trophy
Top scorer, best goalkeeper, best coach leh fair play tan lawmman a awm bawk
Vawiin Inkhel Tur
FINAL
UNDER 13
8:00 AM FC Stonzz Vs Kawnpui Football Academy
UNDER 16
9:30 AM Aizawl FC Academy Vs Grassroots
GIRLS - UNDER 16 (2nd Leg)
11:30 AM MFA Grassroots Vs Mizoram Sub-Jr. Team
October 7, Inrinni
UNDER 13
QUARTERFINAL
Group A
Salem LC 3 - 0 Grassroots
Zarkawt Football Academy 0 - 1 FC Stonzz
Group B
Armed Veng Sub Jr FC 0 - 1 Kawnpui Football Academy
Ramhlun FC chu an khingpui tur an disqualify avangin semifinal an lut.
SEMI FINAL
Salem LC 0 - 0 FC Stonzz
Penalty Shootout-ah FC Stonzz 4-2 in an chak
Kawnpui Football Academy 0 - 0 Ramhlun FC
Penalty Shootout-ah Kawnpui FA 4-3 in an chak
UNDER 16
QUARTERFINAL
Group A
Tlangnuam Vengthar 0 - 3 RGSA, Republic Veng
Aizawl FC Academy 1 - 1 FC Zotlang
Penalty Shootout-ah AFC Academy 4-2 in an chak
Group B
Bethel FC, ITI 0 - 1 FC Armed Veng South
Chawlhhmun 0 - 0 Grassroots
Penalty Shootout-ah Grassroots 3-1 in an chak
SEMIFINAL
RGSA Republic 0 - 0 Aizawl FC Academy
Penalty Shootout-ah AFC Academy 9-8 in an chak
Armed Veng South FC 0 - 1 Grassroots
Under 16 GIRLS
FINAL
MFA Grassroots 2 - 1 Mizoram Sub-Jr. Team